The Breed  ► PRODUKSIEVEREISTES 
---------------------------------------------------------------------------------------------------------------------------------------------------------------------------------------------------------------------------------

MINIMUM PRODUKSIEVEREISTES VIR DIE AFRIKANER (Soos op 10 September 2008)

In terme van Verordening 2.1, 2.2 en 10.5 moet aan die volgende minimum produksievereistes voldoen word:

1.  REPRODUKSIE

1.1  ʼn Vers moet die vir die eerste maal VOOR of OP 42 maande ouderdom kalf.

1.2  Geen tussenkalfperiode mag 790 dae oorskry nie.

  • Die Genootskap, in samewerking met SA Stamboek, sal jaarliks die reproduksiestatus van alle vroulike diere nagaan

  • Diere wat nie aan die minimumvereistes voldoen nie, sal geïdentifiseer word. Die probleemgevalle sal skriftelik aan die eienaar bekendgemaak word. Hierna het die eienaar drie maande tyd om die probleemgevalle aan te spreek en die nodige terugvoer aan die Genootskap te gee. Indien die kantoor geen skriftelike vertoë of versagtende redes vir probleemdiere ontvang nie, het die Genootskap die reg om SA Stamboek in kennis te stel dat geen verdere kalwers van die koei vir registrasie aanvaar mag word nie en die dier gekanselleer word.

1.3  Vroulike diere moet aan die onderstaande minimum vrugbaarheidsvereistes voldoen. Die eienaar sal drie maande gegee word om te reageer, waarna die Genootskap aan SA Stamboek sal opdrag gee om die nodige onherroeplike kansellasies te doen, waarna geen verdere kalwers van die betrokke koei sal aanvaar word nie.

Aantal kalwings  Maksimum gemiddelde tussenkalfperiode (TKP) van koei
2   790 dae
3 en 4 kalwings     660 dae
5 en meer kalwings  500 dae

2.  MELKPRODUKSIE

2.1  ʼn Koei wat meer as twee kalwers speen met ʼn indeks onder 90 sal summier geprul word.

(Nie ʼn afkeuringsvereiste nie, maar moet bloot as riglyn vir melkproduksie gebruik word.)

3.  GROEIVERMOË

(Deelname aan Prestasietoetsing is verpligtend vir alle Kategorie A-lede, waar indekse as riglyne vir die eienaar en die keurder dien.)

3.1   Verse (Fase A & B)

  1. Speenindeks 90

  2. Jaarindeks 90

  3. 18-maande-indeks 90

Indien verse voor 18 maande gekeur word, sal ʼn jaarindeks vereis word. Andersins sal ʼn speen- en 18-maande-indeks vereis word.

Indien een  indeks  onder  90  is,  maar die gemiddeld van die beskikbare indekse 90 of hoër is, sal die dier gekeur word indien die voorkoms besondere meriete het.

3.2  Bulle (Fase A & B)

  1. Speenindeks 90

  2. Jaarindeks 90

  3. 18-maande-indeks 90

  4. Skrotumomvang minstens 30 cm

Geen bul sal voor 18 maande ouderdom gekeur word nie en geen uitsondering sal gemaak word nie.

3.3  Bulle (Fase C en D)

  1. Speenindeks 90

  2. Daaglikse groei-indeks (GDT) minstens 90

  3. Groei-per-dag-van-ouderdom-indeks (GDO) minstens 90

  4. ʼn Skrotumomvang minstens 30 cm

Bulle sal direk na afsluiting van ʼn toets as ʼn groep gekeur word. Alle afgekeurde bulle moet geslag word.            

3.4  Funksionel Voorkoms

3.4.1  Diere met die volgende genetiese afwykings sal uitgeskot word:

  1. Hipoplastiese testes

  2. Skewe gesig

  3. Kort en lang onderkaak

  4. Wollerige haarkleed

  5. Laminitus

  6. Erflike stertkinkel aan boonste helfte van stert

  7. Wilde temperament

  8. Enige ander duidelike genetiese afwykings. 

3.4.2        Die volgende uiterstes sal geprul word:

  1. Swak konstitusie

  2. Swak bespiering

  3. Bulle met vroulike of os-agtige voorkoms

  4. Verse met manlike of os-agtige voorkoms

  5. Ponietipes of uitermate groot diere

  6. Baie fyn of uitermate growwe bene

  7. Uitermate regop, sekel- of koeihakkig

  8. Duif- of eendtonig, voorpote, krom voorbene

  9. Verse met gebrekkige uierontwikkeling

  10. Enige ander uiterstes

  • Alle amptelike prestasiegegewens en besonderhede van diere moet tydens keuring beskikbaar wees.

  • Bulle of vroulike diere waarvan die moeders nie binne bostaande norme ten opsigte van reproduksie presteer nie, mag nie op veilings wat in samewerking met die Genootskap gehou word, verkoop word nie.
  
 
 

                                                                             

 

                
© 2009 - 2011 The Afrikaner Cattle Breeders' Society of South Africa    •    Terms & Conditions and Privacy Policy    •    Website designed, hosted & maintained by 123 Internet